அறிவியல் கதிர் எரிபொருள் செல்கள் - பேராசிரியர் கே. ராஜு

சக்தியைப் பெறுவதற் கான இயற்கை வளங்கள் வேகமாகக் குறைந்துகொண்டு வரும் இத்தருணத்தில் எரிபொருள் செல்களே எதிர்காலத் தொழில்நுட்பத்தை நிர்ண யிக்கக்கூடியவை என்கிறார்கள் ஆய்வாளர்கள். இது கடந்த நூறாண்டு காலமாகவே தெரிந்த செய்தி என்றாலும் தற்போது பொருட்களைப் பற்றிய விஞ்ஞானத்தில் ஏற்பட்டிருக்கும் முன்னேற்றம் வரும் ஆண்டு களில் எரிபொருள் செல்களை அதிக அளவில் பயன்படுத்தக்கூடிய வாய்ப் பினை அதிகரித்திருக்கிறது.

எரிபொருள் செல் என்றால்....?

எரிபொருள் செல்கள், எரிபொருட்களின் வேதியியல் சக்தியை நேரடியாக மின்சக்தியாக மாற்றித்தரக் கூடியவை. இந்த செல்களில் ஹைட்ரஜன், மீத்தேன், மெத்தனால் போன்ற எரிபொருட்களைப் பயன்படுத்தலாம் என்றாலும் மிக அதிகமான பயன்பாட்டில் இருப்பவை ஹைட்ரஜன் செல்களே. இந்த செல்களில் ஹைட்ரஜன் மின்சாரம் ஊடுருவிச் செல்லும் ஒரு திரவத்தின் முன்னிலையில் ஆக்ஸிஜனுடன் சேரும்போது மின்சக்தி கிடைக்கிறது. தண்ணீரும் வெப்பமும் வெளியேற்றப்படுகின்றன. மின் உற்பத்தியில் கையடக்கமான கருவியாக, வாகனங்களுக்கு சக்தி தருபவையாக, மடிக்கணினி மற்றும் லாப்டாப் போன்ற மின்னணு சாதனங்களில் உள்ள லித்தியம் பாட்டரிகளுக்குப் பதிலாக அவற்றுக்கு மின்சக்தி தரும் செல்களாக எனப் பல்வேறு விதங்களில் அவை பயன்பட இருக்கின்றன.

சென்னையை நோக்கி வந்த இங்கிலாந்து ஆய்வாளர்கள்

கடந்த காலங்களில் வணிகரீதியாகப் பயன்படும் அளவில் எரிபொருள் செல்பற்றிய ஆராய்ச்சி நடைபெறவில்லை. ஆனால் காலம் மாறுகிறது. இங்கிலாந்திலிருந்து ஆய்வாளர்களும் தொழில் நுட்ப முனைவோரும் இந்திய ஆய்வாளர் களுடன் கூட்டாக ஆராய்ச்சியை மேற்கொள்ள அண்மையில் சென்னை வந்துள்ளனர். சென்னையில் எரிபொருள் செல்பற்றி அறிவியல் தொழில்நுட்பத்துறை, ஐ.ஐ.டி. போன்ற நிறுவனங்கள் ஆய்வுகளை நடத்தி வருவதால் அவர் கள் சென்னையைத் தேர்ந்தெடுத்துள்ளனர் (தகவல் : தி இந்து)

2010 ஜூன் மாதத்தில் நடத்தப்பட்ட ஒரு பரிசோதனையில் ஹைட்ரஜனால் இயக் கப்பட்ட ஒரு கார் 400 கி.மீ. தூரம் சென்றது ; ஒரு மோட்டார் பைக்கினால் 510 கி.மீ. வரை செல்ல முடிந்தது. எனவே, ஹோண்டா, டயோட்டா போன்ற பெரிய கார்/பைக் கம்பெனிகள் இத்துறையில் ஆராய்ச்சியைமுடுக்கிவிட்டுள்ளன.

எரிபொருள் தொழில்நுட் பத்திற்கு மிகப் பெரிய சந்தை காத்திருக்கிறது. இந்தியாவில் கைபேசிகளை இயக்கும் டீசல் ஜெனரேட்டர்களுக்கு ஓர் ஆண்டில் 200 கோடி டாலர் அளவுக்கு சந்தை உள்ளது. டீசல் விலை கூடிக்கொண்டேயிருப்பதால் ஜெனரேட்டர் செலவும் கூடிக்கொண்டே வருகிறது. எனவே, வணிகரீதியாக டீசலுக்கு மாற்றான எரிபொருளாக ஹைட்ரஜன் போன்ற எரிபொருட்களைப் பயன்படுத்த வேண்டிய நெருக்கடி ஏற்பட்டிருக்கிறது. அத்துடன், பூமி சூடேறுவதைத் தடுக்கவும் ஹைட்ரஜன் செல்கள் பயன்படும் என்பதால் சுற் றுச்சூழலுக்கு அவை இயைந்தவையாக இருக்கப் போகின்றன.

எதிர்கால எரிபொருள் ஹைட்ரஜனே

எரிபொருள் தொழில்நுட்பம் பற்றிய ஆய்வு அறிக்கைகளை வெளியிடுவதில் அமெரிக்கா, இங்கிலாந்து நாடுகளுக்குச் சமமாக இந்தியா வளர்ந்திருக்கிறது என்பதில் நாம் மகிழ்ச்சியடையலாம். எதிர்காலத்திற்கான எரி பொருள் ஹைட்ரஜன்தான் என்பது தெளிவாகிவிட்டாலும், ஹைட்ரஜனால் இயக்கப் படும் ஒரு காரின் தற்போதைய விலை பெட்ரோலினால் இயங்கும் காரைவிட பத்து மடங்கு அதிகமாக உள்ளது. இந்த செலவைக் கணிசமாகக் குறைத்து மக்கள் பயன்படுத்தும் வகையில் இத்தொழில் நுட்பத்தைக் கொணரும் சவால் மிக்க பணி ஆய்வாளர்கள் முன் காத்திருக்கிறது. இந்த லட்சியத்துடன் பல ஆய்வுகள் மேற்கொள்ளப்பட்டு வருகின்றன.

காய்ச்சல் அடிக்கும்போது உடலின் வெப்பநிலை கூடுவதற்குக் காரணம்?

சாதாரண நிலைமைகளில் உடலின் வெப்பநிலை மூளையின் `ஹைப்போதாலமஸ்’ பகுதியில் உள்ள வெப்பத் தைக் கட்டுப்படுத்தும் மையத்தினால் கட்டுக்குள் வைக்கப் படுகிறது. நுண்கிருமிகளால் உடலின் செல்கள் பாதிக்கப் பட்டு சைடோகைன்ஸ் (உலவடிமiநேள) என்ற வேதியியல் மூலக்கூறுகள் உருவாவதன் விளைவாக புரோஸ்டா கிளாண்டின் (யீசடிளவயபடயனேin) என்ற பொருள் உற்பத்தியா கிறது. இந்தப் பொருள் ஹைப்போதாலமஸில் உள்ள வெப்பம் கட்டுப்படுத்தும் மையத்தைப் பாதிப்பதால் உடலின் வெப்பநிலை கூடிவிடுகிறது. பாரசடமால் மாத்திரைகளை உட்கொண்டால் அவை புரோஸ்டாகிளாண்டினைத் தாக்கி வெப்பசமநிலையை மீட்கின்றன.

நன்றி - தீக்கதிர்

போபால்

போபால் விபத்து: பாதிக்கப்பட்டோருக்கு அளிக்கப்பட்ட சிகிச்சை
-பேராசிரியர் கே.ராஜூ
1984 டிசம்பர் 3 அன்று அதிகாலை யில் போபால் நகரம் அணுகுண்டு போடப் பட்ட ஹிரோஷிமா போல் காட்சியளித்தது என்றால் மிகையாகாது. யூனியன் கார் பைட் நிறுவனம் மெதில் ஐசோசய னேட்டை (ஆஐஊ) பெரிய 400 டன் தொட்டி களில் சேமிக்காமல் வழக்கமான பாது காப்பு ஏற்பாடான சிறிய பெட்டிகளில் சேமிப்பது என்ற வழிமுறை யைக் கை யாண்டிருந்தால் இவ்வளவு பெரிய விபத்து ஏற்பட்டிருக்காது. விஷவாயுக் கசிவு ஏற் பட்டிருந்தாலும் அது சமாளிக்கக் கூடிய தாக இருந்திருக்கும். கம்பெனியின் செல வைக் குறைக்கும் முயற்சி மக்களைப் பலி கொள்வதில் முடிந்தது. மிகச் சிறிய நேரத்தில் ஆயிரக்கணக்கானோர் இறந்த தையும் ஊனமாக்கப்பட்டதையும் அவ் வளவு எளிதில் மறந்துவிட முடியாது.

விபத்து நடந்து முடிந்த நாட்களில் போபால் போர்க்களம்போல் காட்சியளித் தது. அந்த மோசமான சூழ்நிலையிலும் மிக்க மனஉறுதியுடன் டாக்டர் எஸ். வரத ராஜன் தலைமை தாங்கிய குழுவினர், விஷவாயுக் கசிவின்போது என்ன நடந் தது என்பதைக் கண்டறிந்து விஷவாயு வின் இரண்டாவது தொட்டியைப் பாது காப்பாகக் காலி செய்தது. இரண்டாவது முறையாக நடந்திருக்கக்கூடிய ஆபத்து இவ்வாறு தடுக்கப்பட்டது.

போபால் மக்களை விஷவாயு எப்படிப் பாதித்தது, அவர்களுக்கு எப்படிப்பட்ட சிகிச்சையளிக்க வேண்டும் போன்ற கேள்விகளுக்கு விடை கண்டுபிடிக்க அன்று தங்களை அர்ப்பணித்துக் கொண்ட சாமவேதம் ஸ்ரீராமாச்சாரி, ஹரீஷ் சந் திரா ஆகிய இருவரையும் மறக்க முடி யாது. மிகத் துயரமான, குழப்பமான அந்த சூழ்நிலையில் -யூனியன் கார்பைட் பொய்யான பல தகவல்களை வெளியிட் டுக் கொண்டிருந்தபோதும் - அவர்கள் இருவரும் பாதிப்படைந்தோருக்கு அளித்த சிகிச்சை பற்றி எதிர்கால சந்த தியினருக்கு மீண்டும் மீண்டும் நினை வூட்டுவது அவசியம்.

ஹரீஷ் சந்திரா-ஸ்ரீராமாச்சாரி குழுவின் பணி

டாக்டர் ஹரீஷ் சந்திராவும் அவரது குழுவினரும் ஒரு சில நாட்களுக்குள்ளா கவே இறந்துபோன 200 பேர்களின் உடல் கள் மீது பிரேத பரிசோதனை நடத்தி அவர்களது மரணத்திற்கான காரணத் தை அறிய முயன்றனர். நுரையீரல் கள், உணவுக் குழாய், மூச்சுக் குழாய், கண் கள், இரத்தம் ஆகிய எல்லாமே பாதிப் படைந்திருந்தன. விஷவாயு ரத்த ஓட்டத் தில் கலக்க வாய்ப்பு இல்லை என்ற பொய் யான தகவலை யூனியன் கார்பைட் பரப் பிக் கொண்டிருந்தது. ஆஐஊ வாயு சிதை வடையும்போது சயனேட் உருவானதால் மரணம் நிகழ்ந்திருக்கக் கூடும் என்று கருதி சிகிச்சையளிக்க ஜெர்மனியிலிருந்து இந்தியா வந்த டாக்டர் மாக்ஸ் டாண்ட ரரை யூனியன் கார்பைட் திருப்பியனுப்பி விட்டது. ஆனாலும் அவரது கருத்தை ஏற்று சோடியம் தியோ சல்ஃபேட்டை நச்சுமுறி மருந்தாகப் பயன்படுத்த டாக்டர் ஹரீஷ் சந்திரா முடிவு செய்தார்.

இத்தருணத்தில் தில்லி இந்திய மருத்துவ ஆராய்ச்சிக் கழகத்திலிருந்து போபாலுக்கு விரைந்து வந்து சிகிச்சை யளிக்கும் முயற்சிகளில் இணைந்து கொண்டார் ஸ்ரீராமாச்சாரி. பாதிப்படைந் தோரின் சிறுநீரிலும் இறந்தோர் உடலி லும் இருந்த சயனேட் அளவைக் கணிக்க தில்லி மருத்துவக் கழகத்துடன் தொடர்ச்சியாகத் தகவல்களைப் பரிமா றிக் கொள்ள வேண்டியிருந்தது. அது கைபேசிகள், இணையதளம் எல்லாம் இல்லாத காலம். நினைத்ததை முடிக்கும் வேகம் கொண்ட டாக்டர் வரதராஜன் கம்பியில்லா தகவல் தொடர்புக்கான ஒரு நிலையத்தையே போபாலில் நிர்மாணிக்க ஏற்பாடு செய்துவிட்டார் ! பாதிப்படைந் தோரின் இரத்தம், நுரையீரல், சிறுநீரகங் கள், ஈரல், இதயம் என எல்லா உறுப்பு களுமே சோதனைக்குள்ளாக்கப்பட்டன. மருத்துவக் குழுவின் ஆய்வுகள் இரத்தத் தில் ஹீமோகுளோபின் பாதிப்படைந் திருந்ததைத் தெளிவாக்கின. அந்த விபத்தில் உயிர் பிழைத்தோர் மற்றும் அவர்களது நெருங்கிய உறவினர் ஆகி யோரை இரு தலைமுறைகளுக்கு சோதித்து மரபணுக் கோளாறுகள் ஏதும் உள்ளனவா என்பதைக் கவனித்துவர வேண்டும் என்றார் ஸ்ரீராமாச்சாரி (அண்மையில் இவர் காலமாகிவிட்டார்).

யூனியன் கார்பைட் நிறுவனம் `உண் மைகளை அமுக்கி பொய்களைப் பரப்பு’ என்ற அதன் கோட்பாட்டின் அடிப்படை யில் செயல்பட்டது. லாபவெறி ஒன்றையே நோக்கமாகக் கொண்டு செயல்படும் பன் னாட்டு நிறுவனங்களின் செயல்பாடு களைக் கொண்டு பார்க்கும்போது அதில் ஆச்சரியமில்லை. ஆனால் மக்கள் நல னை மட்டுமே முன்னிறுத்திச் செயல்பட வேண்டிய `இறையாண்மையுள்ள, ஜன நாயக, சோஷலிசக் குடியரசா’ன நம் நாடு யூனியன் கார்பைடின் நோக்கத்திற்கு இணங்கி பணிந்து போவானேன்? `உல கின் மிக மோசமான தொழில்விபத்து’ என்று வர்ணிக்கப்படும் போபால் விபத்து நடந்து 25 ஆண்டுகள் கடந்த பிறகாவது இந்தக் கேள்வி மக்களிடமிருந்து எழுந்து அர சின் உறக்கத்தைக் கலைக்க வேண்டாமா?



நன்றி : தீக்கதிர்

CCTV installed at Speakers' Corner

CCTV installed at Speakers' Corner

The police have installed a closed circuit television camera at Hong Lim Park, where protests have been allowed since last September. This is for "safety and security", said the police in a statement to Today, and these CCTVs "do not record audio inputs". "CCTVs are used to complement police presence on the ground and to project a greater sense of security," said the reply. Suntec, Boat Quay as well as common areas of public housing estates and multi-storey car parks are some areas with CCTVs, and "as part of an ongoing initiative to enhance security in the neighbourhoods, police have been extending CCTV coverage to other parts of the island", including Hong Lim Park. But as "the one place in Singapore" where people can demonstrate, former Nominated Member of Parliament Siew Kum Hong wondered if the move may feed the perception in some quarters that Singapore is a police state. "I think it's pretty ridiculous," he said. Other activists think the impact will be mixed. "Having a camera won't stop people from gathering or speaking ... I wouldn't be surprised if there might be people who feel they're being monitored." said Jack Ho, who helped organise the first Lesbian, Gay. Bisexual and Transgender event at Speaker's Corner two months ago.

முத்தான முதல்வர்கள்

முதல்வர்கள் பலவிதம்

ஒரு நல்ல காரியத்துக்கான அடிக்கல்லை அறிவிப்பாக நாட்டியிருக்கிறார் முதல்வர் கருணாநிதி! பிற்காலத்தில் அவரது கோபால புரம் வீட்டை இலவச மருத்துவமனை நடத்த தானமாகக் கொடுத்திருக்கிறார். இது அவருக்கான தனிப் பெருமை!
இதை அறிவித்த கூட்டத்தில் கருணாநிதி இன்னொரு தகவலையும் தந்துள்ளார். ''இந்தியாவிலேயே தனி பங்களா என்று இல்லாமல், தெருவிலே உள்ள பல வீடுகளில் ஒன்றாக ஒரு முதலமைச்சரின் வீடு இருப்பது என்று பார்த்தால், அது என் வீடாகத்தான் இருக்கும் என்று நினைக்கிறேன். முதல்வராகப் பொறுப்பேற்கும் நேரத்தில் எல்லாம் அரசு பங்களா ஒன்றில் நான் வசிக்க ஏற்பாடு செய்யப்பட்டபோது, அதை நான் ஏற்றுக்கொள்ளவில்லை. பொது வாழ்க்கை என்பது புனிதமானது. அது என்றும் தூய்மையானதாக இருக்க வேண்டும் என்று நினைப்பவன் நான்'' என்றும் சொல்லியிருக்கிறார். அவர் சொல்லியிருப்பது அரசியலுக்கான இலக்கணம். அதற்கு உதாரண புருஷர்களாக இந்தியாவில் பல முதலமைச்சர்கள் இருக்கிறார்கள் என்பது இந்த நாட்டுக்கு உள்ள பெருமை.
திரிபுராவின் முதலமைச்சராக மாணிக் சர்க்கார் என்று ஒருவர் இருக்கிறார். மார்க்சிஸ்ட் கட்சியைச் சேர்ந்தவர். அவரது மொத்தச் சொத்து எவ்வளவு தெரியுமா? ஒரு லட்சம் ரூபாய்! அவர் குடியிருப்பது பங்களாவோ அல்லது தெருவில் உள்ள பல வீடுகளில் ஒன்றாகவோ அல்ல.... பல வீடுகள் இருக்கும் அபார்ட்மென்ட்டில். இங்கெல்லாம் அமைச்சர்களுக்குத் தனித் தனி பங்களாக்கள் இருக்கின்றன. எம்.எல்.ஏ-க்களுக்கு சிறு பங்களாக்கள் அளவிலான அபார்ட்மென்ட்டுகள் இருக்கின்றன. இது போக, சென்னையில் இரண்டரை கிரவுண்ட் இடம் கேட்டு அவர்கள் போராடிக்கொண்டு இருக்கிறார்கள். ஆனால், திரிபுராவில் அமைச்சராக வருபவர்கள் குடியிருக்க அரசு சார்பில் கட்டப்பட்ட அபார்ட்மென்ட்டுகள்தான். அதில்தான் இன்னமும் மாணிக் சர்க்கார் வசித்து வருகிறார். நான்காவது தடவையாக முதலமைச்சர் அவர். அவரது மனைவி பஞ்சலி, சமூக நலத் துறையில் வேலை பார்க்கிறார். அந்த வேலையின் மூலம் வரும் வருமானம்தான் குடும்பம் நடத்தப் பயன்படுகிறது. சொந்த நிலம், வீடு, கார் எதுவும் மாணிக் சர்க்காருக்குக் கிடையாது. அரசாங்க காரை அவர் தவிர யாரும் பயன்படுத்தக் கூடாது. ஒரே இடத்துக்கு மனைவியும் செல்வதாக இருந்தாலும், தனது மனைவியை அரசாங்க காரில் ஏற்ற அனுமதிக்க மாட்டாராம்.
கேரளாவின் முதலமைச்சர் அச்சுதானந்தன், 9 லட்சம் ரூபாய்க்கு சொத்து வைத்திருக்கிறார். ஆரம்ப காலத்தில் டெய்லராக இருந்து கம்யூனிஸ்ட் கட்சிக்குள் ஐக்கியமாகி 60 ஆண்டுகளுக்கு மேல் ஆகின்றன. ஆனால், அவருக்கு திருவனந்தபுரத்தில் சொல்லிக்கொள்கிற மாதிரி சொத்து எதுவும் இல்லை. ஆலப்புழா மாவட்டம் புன்னம்புராவில் இருக்கும் வீட்டைப் பார்த்தால் 'முதல்அமைச்சரின் வீடா' என்று கேட்கத் தோன்றும். இப்போது அவர் இருப்பதென்னவோ திருவனந்தபுரத்தில் அரசு வீட்டில்தான்! ஆனால்..? ஒரு நகராட்சித் தலைவருக்கு நகராட்சி வீடு கிடைத்ததும் எவ்வளவு செலவழித்து மராமத்து பார்ப்பார் என்று யாருக்கும் சொல்லித் தெரிய வேண்டியதில்லை. அமைச்சர்களது பங்களாக்கள் பல லட்சங்களை உள்வாங்கும். ஆனால், அச்சுதானந்தனுக்கு நடந்ததைப் பாருங்கள். ஒரு நாள் கட்டிலில் படுத்திருந்தவர், அவசரமாக எழுந்து பாத்ரூம் போனார். உள்ளே இருந்தவருக்கு 'டமார் டிமீர்' என்று ஏதோ சத்தம். வெளியே வந்து பார்த்தார். கட்டிலுக்கு மேலே இருந்த சீலிங் உடைந்து நொறுங்கிக் கீழே விழுந்திருந்தது. கொஞ்சம் தாமதித்திருந்தால், அன்று அச்சுதானந்தன் படுகாயப்பட்டிருப்பார்
பினராய் விஜயன் தனது கட்சிக்காரர் என்பதை யும் மீறி, ஊழல் செய்தார் என்பதற்காக நடவ டிக்கை எடுக்கலாம் என்று பச்சைக் கொடி காட்டியவர் அச்சுதானந்தன். இது கேரளாவின் கௌரவத்தைத் தூக்கியது என்பதால்தான் பொலிட் பீரோவில் இருந்து மட்டும் அச்சுதானந்தனைத் தூக்கி ஆறுதல் அடைந்த அவருடைய கட்சி, முதல்வர் பதவியில் கைவைக்கவில்லை.
மேற்கு வங்க முதலமைச்சர் புத்ததேவ் பட்டாச்சார்யாவும் எளிமைக்கு உதாரணமானவர். மாவோயிஸ்ட்டுகளுடன் மல்லுக்கட்டி நிற்கும் அவர் மீது அரசியல்ரீதியாக விமர்சனங்கள் இருக்கலாம். ஊருக்குள் எந்த காரையும் விட மாட்டோம் என்று மாநிலத்தின் சில பகுதியில் போராட்டக்காரர்கள் கொந்தளித்துக்கொண்டு இருந்தபோது, ஒரு ரிக்ஷா மட்டும் அமைதியாக உள்ளே நுழைந்தது. அதில் இருந்து இறங்கியவர் புத்ததேவ்.
ஜோதிபாசுவுக்குப் பிறகு இவர்தான் முதல்வர். திரிபுரா மாதிரி இங்கும் அபார்ட்மென்ட்தான். அமைச்சராக புத்ததேவ் ஆனபோது ஒரு வீடு கிடைத்தது. அங்குதான் இன்றும் இருக்கிறார். அப்போது வைத்திருந்த பழைய கார்தான் இப்போதும். மனைவி, மகள் தவிர வீட்டில் யாரும் கிடையாது. முதல்வர் சம்பளத்தை அப்படியே கட்சிக்குக் கொடுத்துவிடுகிறார். கட்சி தரும் சம்பளத்தை வைத்துத்தான் குடும்பம் நடக்கிறது. இத்தனை ஆண்டு கால அரசியல் வாழ்க்கையில் இதுவரை சேர்த்த சொத்தாக 15 லட்சம் ரூபாய்தான் தேறுமாம். மாவோயிஸ்ட் அச்சுறுத்தலைத் தொடர்ந்து முழுப் பாதுகாப்புடன் கூடிய வீட்டில் அவர் குடியேற வேண்டும் என்று மத்திய உளவுத் துறையும் மாநில போலீசும் சொன்னதை, இவர் இன்னும் ஏற்கவில்லை.
இன்று ஒரிஸ்ஸா முதல்வராக இருக்கும் நவீன்பட்நாயக்கின் அப்பா பிஜூ பட்நாயக் முதல்வராக இருந்தவர். சொந்தமாக கார் வைத்திருப்பது மாதிரி, அந்தக் காலத்தில் கலிங்கா ஏர்லைன்ஸ் என அரசியலுக்கு வருவதற்கு முன்பே சொந்தமாக விமானம் வைத்திருந்தவர். மகன் நவீனை அமெரிக்காவில் படிக்கவைத்தார். அப்பாவுக்குப் பிறகு அரசியலுக்குள் நுழைந்த ஃபாரின் ரிட்டர்ன் மகனுக்கு இன்றைய சொத்து மதிப்பு இரண்டு கோடிகள்தான் தேறும். மூன்றாவது முறையாக முதல்வராக இருக்கும் நவீன் எந்தப் பாதுகாப்பு பந்தாக்களும் இல்லாமல் காரில் போய்க்கொண்டு இருந்தார். பின்னால் வேகமாக வந்த கார் ஓங்கித் தட்டியதில் முதல்வர் கார் நொறுங்கியது. உள்ளே இருந்த நவீனுக்கும் படுகாயம். முழுமையாக அவர் மீண்டுவர பலநாள் ஆனது.

இவரைப் போலவே எளிமையானவர், பீகாரின் நிதீஷ்குமார். முதல்வரானதும் அவர் இருப்பது அரசாங்க வீடு. ஏற்கெனவே முதல்வராக இருந்த லாலு, ரப்ரி பயன்படுத்திய வீடு அது. ஆனால், அவருக்குச் சொந்தமாக பாட்னாவில் இருப்பது சிறு அபார்ட்மென்ட் வீடு. போக்குவரத்துக்குச் சரியாக இருக்காது என்பதால் இங்கு மாறி இருக்கிறார். சொத்து மதிப்பு 55 லட்ச ரூபாய். நிதீஷ் இப்போதெல்லாம் அதிகம் இருப்பது கிராமத்தில்தான். ரிக்ஷாவில் தினமும் ஏதாவது ஒரு கிராமத்துக்குப் போய் அங்குள்ள மக்களிடம் குறைகளைக் கேட்பது, அங்கேயே தங்கிவிடுவது, மறுநாள் அடுத்த கிராமம்... இதற்கு வளர்ச்சிப் பயணம் என்று பெயர் வைத்திருக்கிறார். அவசர ஆலோசனைகள் என்று வந்து பாட்னா திரும்ப முடியாத தூரமாக இருந்தால், அமைச்சர்களைத் தான் தங்கியிருக்கும் கிராமத்துக்கே வரச் சொல்லி கேபினட்டை நடத்துகிறார். 'இந்த மாதிரி ஊருக்கெல்லாம் வந்திருக்க மாட்டீங்கள்ல' என்று மந்திரிகளிடம் கிண்டலுக் கும் குறைவில்லை.
இதே மாதிரி நகரங்களுக்குள் கலக்குபவர் மத்தியப் பிரதேச முதல்வர் சிவ்ராஜ் சவுகான். ஒன்றரைக் கோடிக்கும் குறைவான சொத்துள்ளவர். மொபைல் போன்கூட வைத்துக்கொள்வது இல்லை. திடீரென்று ஒருநாள், தனியார் டிராவல்சுக்கு போன் செய்து ஒரு காரை வாடகைக்குப் பிடித்தார். என்னுடன் போலீஸ் யாரும் வரக் கூடாது என்று கட்டளை போட்டார். அவர் மட்டும் காரில் ஏறி போபாலை வலம் வந்தார். சப்-இன்ஸ்பெக்டர் விஜய்தோரே என்பவர் அந்த நள்ளிரவு நேரத்தில் வரும் வாகனங்களை நிறுத்தி வசூல் மும்முரத்தில் இருந்தார். அவரைக் கையும் களவுமாகப் பிடித்து சஸ்பெண்ட் செய்தார். கண்ணைக் கூசும் வெளிச் சத்துடன் எதிரே ஒரு கார் வந்தது. இப்படி லைட் போட்டுச் சென்றால் விபத்துதானே நடக்கும் என்று அந்த காரை விரட்டினார். அது அரசு வாகனம். உள்ளே இருந்த அதிகாரி சஸ்பெண்ட் செய்யப் பட்டார்.
ஆந்திர முதல்வர் ராஜசேகர ரெட்டி, பணக்காரர்தான். அதில் ஒன்றும் சந்தேகமில்லை. ஆனால், வீடு என்று பார்த்தால் சொல்லுவதற்கு அவரைப் பற்றியும் மிக சுவாரஸ்யம் உண்டு. அவருக்கு கடப்பா மாவட்டம் மானபுலி வெந்தலாவில் பரம்பரை வீடு இருக்கிறது. அங்கு அவரது அம்மா இருக்கிறார். நெடுஞ்சாலைத் துறை நான்கு வழிச் சாலை அமைக்க இடைஞ்சலாக இருப்பதால் அந்த வீட்டைஇடிக்க அதிகாரிகள் முயற்சிக்க... உள்ளூர் காங்கிரஸ்காரர்கள் போராட்டத்தில் இறங்கினார்கள். ராஜசேகர ரெட்டி உடனே அதிகாரிகளை அழைத்தார். 'மக்களுக்கு நன்மை செய்வதற்காக என்னுடைய வீட்டை இடித்தாலும் பரவாயில்லை' என்றவர், நானே எனது சொந்தச் செலவில் இடித்துத் தருகிறேன் என்று இடித்தும் கொடுத்தார்.
தேர்தல் பிரசாரத்தில் இருந்தார் கர்நாடக முதல்வர் எடியூரப்பா. மைசூர் மாவட்டம் நஞ்சன் கூடுவில் அவரது கார் போய்க்கொண்டு இருந்த போது, தேர்தல் அதிகாரிகள் மறித்தார்கள். 'நான்கு கார்களுக்கு மேலே உங்களது அணிவகுப்பில் வருகிறது'' என்று கூடுதல் காரைப் பறிமுதல் செய்யப் போனார்கள். அனுமதி வாங்காத எண்ணுள்ள காரைப் பறிமுதல் செய்ய அவர்கள் முயற்சித்தபோது, உள்ளே இருந்தார் எடியூரப்பா. 'தப்பு என் மேலதாங்க' என்று எந்தக் கோபமும் இல்லாமல் இறங்கினார். இறக்கிவிட்ட அதிகாரிகள் இன்னமும் நிம்மதியாக அங்கு அதே வேலையில்தான் இருக்கிறார்கள்.
இந்திய மாநிலங்களை ஆளும் முதல்வர்கள் காட்டியுள்ள சொத்துக் கணக்குப்படி பார்த்தாலும்... ஒரு கோடி முதல் பத்துக் கோடி வரை கணக்கு காட்டியிருப்பவர்கள் 18 பேர். மற்றபடி, உ.பி. முதல்வர் மாயாவதியின் 52 கோடியுடனும், தமிழக முதல்வரின் 26 கோடியுடனும் மேலே சொன்னதில் பல முதல்வர்களின் சொத்துக் கணக்கு போட்டியிட முடியாதுதான்!

நன்றி விகடன்.

கல்யாண சமையல் சாதம்! ஆகா பிரமாதம்

கல்யாண சமையல் சாதம்! ஆகா பிரமாதம்







இந்தியாவில் எங்கெங்கு போனால் என்ன என்ன சாப்பிடலாம்.





ஒரு ஹீ ஹீ பதிவு.





வாங்க வந்து ருசி பாருங்க ! :)

To see in larger view

நல்லவரா ! கெட்டவரா !

நிங்க நல்லவரா ! கெட்டவரா ! - கவிதை யாருக்காக்!

விரல்கள் வேகமாக வந்தன.

விழிகளை நோக்கி!

“ஏன்? எதற்காக?” என்று;

வினா எழுப்பின விழிகள்.

“விரல்களாம் நாங்களும்

உன்னோடிணைந்துள்ள உடலின் பகுதிதானே?”

“அதிலென்ன சந்தேகம்?

அதற்காக இப்போதென்ன?”

“விழியில் நீரென்றால் துடைப்பது விரல் தானே?

விழிகோர் விபத்து வருமுன் பாய்ந்து

பழிக்க்கோர் இடமின்றி பத்து விரலும் சேர்த்து:

கண் மூடிக் காவல் காப்பதும் மெய் தானே?

விண் மூடி மேகம் சூழ்ந்தால் மழை பொழியும் அப்போது

தண்ணிலவும் தணல் கதிரும் மறைந்திருக்கும் என்பதாலே, இந்த

மண் மீது இனி அவை ஒளீயுமிழ வரக்கூடாது எனலாமா?

அவ்வாறே விரல்களாம் எங்களுக்கும்

அனுமதி தர வேண்டும் எனகேட்கும் உரிமை உண்டு!

நாங்கள் தானே நண்பராய் சேவகராயிருந்து உம்

நலன் காத்து வருகிறோம் கண்களே! அதனாலே...”

“அதனாலே என்ன?” என்றன விழியிரண்டும்:

அதற்கு விரல் சொன்னது:

கண்ணீர் துடைத்திடவும், கத்திட இமை சாத்திடவும்

கடமையாற்றும் எமக்கு: உமது

கருவிழியில் குத்திட மட்டும்

ஓரு உரிமையிலையோ?!”

எனக் கேட்ட கதை;

நல்ல கதையா? கெட்ட கதையா?

நகைச்சுவை மேதை!

மாமேதைகள் மறைவதில்லை!

சமகாலத்தில் வாழ்ந்து நம் கண்ணெதிரிலேயே மறைந்த மாமனிதர்கள் வரிசையில் தற்போது நகைச்சுவை வேதாந்தி சார்லி சாப்ளினும் சேர்ந்திருக்கிறார். ஏசு கிறிஸ்து பிறந்த திருநாளில் இவரது ஆவி பிரிந்த செய்தியைக் கேட்டபோது, மிக நெருங்கிய உறவினர் ஒருவரைப் பறி கொடுத்த துயரம் நம் நெஞ்சை அடைத்தது.
மாபெரும் சிந்தனையாளர்கள் உலகில் எந்த மூலையில் வாழ்ந்தாலும் நமக்குத் தெம்பூட்டுகிறது. அவர்கள் மறைவு ஒரு சூன்யப் பெருவெளியைத் தோற்றுவித்து நம்மைப் பெரும் ஏக்கத்திற்குள்ளாக்கிவிடுகிறது.
ஆயினும், இவர்களது படைப்புகள் நெஞ்சில் நிலைத்து வரலாற்றில் கலந்து, மனித இனத்தின் நம்பிக்கைக்கு உரமாகி அதன் மேம்பாட்டுக்கு உறுதுணையாயிருக்கின்றன.

நன்றி - 8.1.1978 விகடன் இதழ் தலையங்கத்திலிருந்து

கேரக்டர் 'அப்பச்சி' அருணாசலம்

கேரக்டர் 'அப்பச்சி' அருணாசலம்

''யாருங்கறேன் அது? கானாடுகாத்தான் கருப்பய்யாச் செட்டியாரா? வாங்க, இருங்க. மெட்ராசுக்கு எப்ப வந்தீக? உங்க அப்பச்சி எப்படி இருக் காக? பானா, மூனா, லேனா, சோனா லெச்சுமணஞ் செட்டி யார் மகனுக்குப் போன மாசம் கோட்டையூர்லே கல்யாணம் நடந்துதாமில்லே? ஏங்கறேன்... என்ன செலவாகியிருக்கும்? வாணத்தைக் கொளுத்தி வானத்திலே விட்டாகளாமே!
ஊம்... பையனைச் சீமைக்கு அனுப்பி படிக்க வெச்சாகளாம். அவன் திரும்பி வந்து சிகரெட்டு புடிக்கிறானாம். ஏங்கறேன்... இதைக் கத்துக்க சீமைக்கா போகணும்?
காத்துலே பறக்குமே, அதென் னங்கறேன், ஏரோப்ளான்! அந்த வண்டியிலேதானாமில்லே போய் வந்தானாம்? ஏம் போக மாட்டாக? அவுக பரம்பரையா மலேயாவிலே வட்டி வியாபாரம் செஞ்சு, லெச்சம் லெச்சமாகக் குவிச்சு வெச்சிருக்காக. நமக்கு முடியுமாங்கறேன்? என்ன ஆனா மூனா கானா, ஏம் பேசாம இருக் கீக? நீங்க சொல்லுங்க, நமக்கு எதுக்கு இந்தப் பட்டண வாசமெல்லாம்? அதைச் சொன்னா நம்ம மகன் கேக்கறானில்லே...''
அப்பச்சி அருணாசலம் செட் டியார் தமது கைக் கோலால் தரையைத் தட்டிக் கொண்டே, அந்த பங்களாவின் வராந்தாவிலுள்ள ஊஞ்சலில் உட்கார்ந்தபடி, வருகிறவர்கள் போகிறவர்களிடமெல்லாம் தம் மகனைப் பற்றி இப்படி ஏதாவது குறை கூறிக்கொண்டிருப்பார்.
''ஏன்? உங்க மகனுக்கென்ன? நல்லாத்தானே பிசினஸூ பண் ணிக்கிட்டிருக்காக?'' என்பார் ஆனா மூனா கானா.
''என்னங்கறேன் நீங்க ஒண்ணு! உங்களுக்குத் தெரியாதா? தேவ கோட்டையிலே கப்பலாச்சும் வீடு. இருக்கிற சொத்தை வெச்சு இன்னும் நாலு தலைமுறைக்கு கால் மேலே கால் போட்டுச் சாப்பிடலாம். இந்த மெட்ராசுலே நமக்கு என்னய்யா வேலை? கேட்டா பிசுனஸூ பண்ணிக்கிட் டிருக்கேங்கறான். வீட்டிலே தங்க றானா? இவனுக்கெதுக்குங்கறேன் இந்த வேலையெல்லாம்?
ஒரு லெச்சம் செலவளிச்சு இந்த பங்களாவைக் கட்டியிருக் கான். நமக்கெதுக்கு இந்தப் பட்ட ணத்திலே பங்களாவும் காரும்? ஊரிலே கோட்டை மாதிரி வீட்டைப் பூட்டி வெச்சிருக்கோம். கட்டி அணைக்க முடியாதுங் கறேன் ஒவ்வொரு கம்பமும். என்னங்கறேன்... உங்களுக்குத் தெரியாததா?
அதையெல்லாம் விட்டுப் போட்டு மெட்ராசுலே பிசுனஸூ பண்றானாம்! சரி, பண்ணட்டும். இந்த நாயை எதுக்குங்கறேன் நானூறு ரூபாய் கொடுத்து வாங் கணும்? அது இருந்தாத்தான் பங்களாவுக்கு அளகாம்! அது சும்மாவா இருக்குது? ரொட்டியைக் கொண்டாங்குது! மட்டனைக் கொண்டாங்குது! சும்மா இருக்குற நேரத்துலே என்னைப் பார்த்து உர் உர்ருங்குது. சரி, போவட்டும்; இவ்வளவு பெரிய தோட்டம் எதுக்குங்கறேன்? தோட்டம்னா சும்மாவா? தோட்டக்காரனுவ நாலு பேரு. இவனுக என்ன பண்றானுவ? ஒரு கத்திரிச் செடி உண்டா? ஒரு வெண்டைச் செடி உண்டா? எல்லாம் இங்கிலீசு பூ இல்லே பூக்குது. ஏங்கறேன்? அந்தப் பூ எதுக்கு ஒதவும்? சொல்லுங்கறேன்.
என்ன, ஆனா மூனா கானா? என்ன பேசாம இருக்கீக? குளந்தை களுக்கு ஒரு திருவாசகம், ஒரு தேவாரம் தெரியுமா? எல்லாம் இங்கிலீசு படிப்பில்லே படிக்கிறாக. அதாங்கறேன், கான்வென்ட்டா மில்லே கான்வென்ட்டு... நூறு நூறாப் பணத்தைப் பறிக்கிறாகளே. அந்த ஸ்கோல்லே படிக்கிறாக ளய்யா! நீங்களும் நானும் அந்தக் காலத்திலே கான்வென்ட்டா படிச் சோம்? அதனாலே இப்ப என்னங் கறேன், கெட்டாப் போயிட்டோம்? இதைச் சொல்லப்போனா 'இந்தக் கௌத்துக்கு என்ன வேலை? போட்டதைச் சாப்பிட்டுட்டுப் பேசாமே ஊஞ்சல்லே விளுந்து கிடக் கிறதுதானே'ம்பாக இல்லையா?''

நன்றி : விகடன் பொக்கிஷம்